بازگشت
دزړه دربار
الحاج الهام الدين قيام الحاج الهام الدين قيام

 

                

راپه خولابه مې خپل يارشي،که خدای وکړي

بيابه ځما دخوښئ وارشي،که خدای وکړي

 

دراتګ لاريي په غبرګو سترګو څارم

راښکاره به په دې لارشي، که خدای وکړي

 

ددوزخ په څېر ژوند سخت دانتظاردئ

وخت به تېر دانتظارشي،که خدای وکړي

 

چه يار نشته شپه او ورځ په ما تورتم دی

داتورتم به روڼ سهار شي ،که خدای وکړي

 

مرور يار که خدای بيرته په لاس راووست

ټول ژونون به مې بهار شي ،که خدای وکړي

 

بيا به کور ته ،دخوښيو کاروان راشي

دغمو به کډې بار شي، که خدای وکړي

 

که قيام ته يي دزړه شهزادګئ راغله

دزړه کور به يي دربار شي ،که خدای وکړي

 

والدورف /جر مني

 


December 25th, 2011


  برداشت و بازنویسی درونمایه این تارنما در جاهای دیگر آزاد است. خواهشمندم، خاستگاه را یادآوری نمایید.
 
بازگشت
شعر،ادب و عرفان